İnvestisiya reytinqinə Gürcüstanın 12 iqtisadi regionu, o cümlədən Tbilisi, Acarıstan Muxtar Respublikası, Abxaziya Muxtar Respublikası, Quriya, İmereti, Kaxeti, Mtsxeta-Mtianeti, Raça-Leçxumi və Kvemo Svaneti, Sameqrelo-Zemo Svaneti, Samtsxe-Cavaxeti, Kvemo Kartli və Şida Kartli daxildir. Reytinq altı qrupa bölünmüş 13 parametr üzrə müəyyən edilir: sosial-demoqrafik göstəricilər; sosial-iqtisadi vəziyyət; biznes mühiti; infrastruktur; mehmanxana-turizm kompleksində komfort səviyyəsi və kənd təsərrüfatı.
Ən yüksək ümumi bal toplayan regionlar arasında Tbilisi birinciliyə yüksəlib. İkinci yeri isə İmereti və Sameqrelo-Zemo Svaneti bölüşüb.
Bundan əlavə, Tbilisi reytinqdə çox kiçik fərqlə — cəmi 0,2 xalla qalib gəlib. Eyni hal digər regionlara da şamildir, ki bu da Gürcüstanın regionları ilə paytaxtın bərabərsəviyyəli iqtisadi inkişafından xəbər verir.
Son üç il ərzində sosial-demoqrafik göstəricilərin, eləcə də ali və orta ixtisas təhsili müəssisələrinin sayının sabit qalmasına baxmayaraq, əhalinin hər nəfərinə düşən ümumtəhsil məktəblərinin sayına görə Tbilisinin reytinqdə sonuncu yerdə olması diqqəti cəlb edir.
Tbilisinin və ikinci yeri tutan iki regionun maliyyə dövriyyəsi və əsas kapitala yatırılan investisiyalar göstəriciləri kəskin şəkildə fərqlənir — regionlarda bu göstəricilər Gürcüstanın paytaxtındakından üç dəfə azdır.
Bununla yanaşı, Gürcüstanın bank sektoru qeyri-bərabər inkişaf edir və bank fəaliyyətinin böyük hissəsi paytaxtda cəmləşib. Belə ki, lider regionlarda bankların sayı Tbilisidəkindən təxminən iki dəfə azdır. Maraqlıdır ki, inkişaf etmiş bank sisteminə malik olan Tbilisi, İmereti və Acarıstanda sahibkarlıq fəallığı daha sürətlə inkişaf edir. Bu, turizmin yüksək inkişaf göstəriciləri, eləcə də İmeretidə sənayenin, Acarıstanda isə infrastruktur və nəqliyyat sektorunun fəal inkişafı ilə əlaqədardır.
Bununla yanaşı, tbilisililərin adambaşına düşən ÜDM göstəriciləri ölkənin digər regionlardakı bu göstəricini 30% üstələyir. Acarıstan (infrastruktur tikintisi) bu göstəriciyə görə ikinci, Sameqrelo-Zemo Svaneti (nəqliyyat və rabitə) isə üçüncü yerdə qərarlaşır.
Əsas sahələr üzrə təqdim olunan ümumi əlavə dəyərin strukturu Mtsxeta-Mtianeti regionunu birinci yerə çıxarır; onun ardınca Kvemo-Kartli və Samtsxe-Cavaxeti gəlir. Bununla yanaşı, ilk iki regionda sənaye sektoru üstünlük təşkil etdiyi halda, Samtsxe-Cavaxetidə aqrar-sənaye kompleksi üstün mövqedədir. Tikilmiş yolların sayı Sameqrelo-Zemo Svaneti, Kaxeti və Kvemo Kartlidə daha çoxdur.
Hotel və turizm infrastrukturunun sayına görə isə Tbilisi, Acarıstan və İmereti reytinq liderləridir.
