Caspian Energy (CE): FCHAIN korporasiyası fəaliyyət coğrafiyasını dinamik şəkildə genişləndirir. Bu strategiyanın əsasını nə təşkil edir? Şirkətin xarici bazarlarda mövqelərini inamla möhkəmləndirməsinə hansı amillər imkan verir və hazırda hansı yeni bazarlar daha perspektivli hesab olunur?
"Financial Chain" (FCHAIN) korporasiyasının təsisçisi və direktoru Namiq Qədirov: FCHAIN-in fəaliyyət coğrafiyasının genişləndirilməsi sadəcə böyümə strategiyası deyil, həm də uzunmüddətli missiyamızın bir hissəsidir. Məqsədimiz dünyanın istənilən nöqtəsində biznes üçün vahid keyfiyyət standartlarını təmin edən qlobal tərəfdaşa çevrilməkdir. Bu strategiyanın əsasında üç əsas amilin vəhdəti dayanır.
Birincisi, keyfiyyətli autsorsinq xidmətlərinə artan tələbatdır.
Müxtəlif bazarlarda fəaliyyət göstərən şirkətlər getdikcə mürəkkəbləşən tənzimləmə tələbləri, artan əməliyyat xərcləri və çevik fəaliyyət zərurəti ilə qarşılaşırlar. Mühasibatlıq, HR, EOR, hüquqi müşayiət və konsaltinq üzrə təqdim etdiyimiz həllər müştərilərə əməliyyat proseslərini etibarlı tərəfdaşa həvalə edərək əsas diqqətlərini bizneslərinin inkişafına yönəltməyə imkan verir.
İkincisi, ekspertizamız və yerli bazarlara uyğunlaşma qabiliyyətimizdir.
Biz hər bir ölkədə fəaliyyət göstərən komandalarımıza investisiya yatırırıq ki, həmin bazarın qanunvericiliyini, mədəni xüsusiyyətlərini və biznes mühitini daxildən daha yaxşı anlaya bilək. Məhz beynəlxalq miqyasla yerli bilik və təcrübənin birləşməsi müştərilərin etimadını möhkəmləndirir və fəaliyyət göstərdiyimiz bazarlarda dayanıqlı mövqelər formalaşdırmağa imkan verir.
Üçüncüsü, uzunmüddətli tərəfdaşlıqlardır.
Ofislər şəbəkəmizi genişləndirərkən biznes ətrafında yeni ekosistemlər formalaşdırırıq. Buraya dövlət qurumları, assosiasiyalar, investorlar, texnologiya və müxtəlif sahələr üzrə tərəfdaşlarla əməkdaşlıq daxildir. Bu yanaşma rəqabət üstünlüklərimizi gücləndirməklə yanaşı, inkişafımızı da sürətləndirir.
Hazırda ən perspektivli istiqamətlərdən olan Mərkəzi Avropa, Baltikyanı ölkələr, Mərkəzi Asiya və Yaxın Şərq bazarlarında böyük potensial görürük. Bu bazarlar fəal şəkildə inkişaf edir, qanunvericiliklərini modernləşdirir, beynəlxalq investisiyaları cəlb edir və keyfiyyətli autsorsinq və EOR həllərinə ehtiyac duyurlar.
Bundan əlavə, ESG konsaltinqinə və biznes proseslərinin rəqəmsallaşdırılmasına artan tələbatı da müşahidə edirik. Bu istiqamətlər də FCHAIN üçün yeni inkişaf imkanları və artım nöqtələri formalaşdırır.
Please login or subscribe to read the full article.
Login / Subscribe