Caspian Energy (CE): Çexiyada sənaye artımının və innovasiyaların inkişafının stimullaşdırılması üçün nazirliyiniz hansı əsas istiqamət və prioritetlərə əsaslanır?
Çex Respublikasının ətraf mühitin mühafizəsi naziri Petr Qladik: Çexiyanın "yaşıl modernləşməsi" hər kəs üçün imkanlar yaradır və bu imkanlardan maksimum səmərəli istifadə etməyimiz vacibdir. Bu proses həm əhalinin həyat keyfiyyətinə, həm də ətraf mühitin vəziyyətinə müsbət təsir göstərəcək. Bundan əlavə, biznes və sənaye üçün çoxsaylı yeni və zəruri imkanlar yaradacaq. Çex şirkətlərinə, şübhəsiz ki, bərpa olunan enerji mənbələrindən əldə edilən yaşıl enerji lazımdır və əgər ölkədə bunun həcmi kifayət qədər olmayacaqsa, şirkətlər onu xaricdən alacaqlar. Çexiyanın sənayesini, energetikasını və istilik təchizatı sistemini praqmatik şəkildə modernləşdirməliyik.
Yaşıl modernləşmə şirkətlər və Çexiya sənayesi üçün yeni imkanlar yaradır. Bu, onlara rəqabət qabiliyyətlərini qorumağa və xarici bazarlarda mövcudluqlarını genişləndirməyə imkan verir. Şirkətlər innovasiyalar inkişaf etdirə və fəaliyyətlərini modernləşdirə bilərlər. Eyni zamanda, biznesin inkişafını stimullaşdırmaq məqsədilə tədqiqatların aparılmasını və yeni texnologiyaların işlənib hazırlanmasını dəstəkləyən bir sıra proqramlar həyata keçirilir. Enerji səmərəliliyinin və enerjiyə qənaətin artırılmasına investisiyalar, eləcə də qalıq yanacaq növlərinin tədricən bərpa olunan enerji mənbələri ilə əvəzlənməsi zəruridir.
Ətraf Mühitin Mühafizəsi Nazirliyi Çexiyanın energetika sektorunun ağıllı transformasiyasını, xüsusilə karbonsuzlaşdırma, desentralizasiya, rəqəmsallaşma və demokratikləşdirməyə diqqət yetirməklə dəstəkləyir. Biz kiçik desentralizasiya edilmiş qurğular da daxil olmaqla, bərpa olunan enerji mənbələrinin (BEM) inkişafını, həmçinin enerji icmalarını və aktiv istehlakçılar konsepsiyasını dəstəkləyirik. Aktiv istehlakçı konsepsiyası istehsal etdikləri elektrik enerjisini ümumi elektrik ötürmə şəbəkəsi vasitəsilə paylaşan icmalara, ev təsərrüfatlarına və şirkətlərə yönəlib. Bu proseslər müasir enerji texnologiyalarının istehsalında sənaye sektoru üçün əhəmiyyətli imkanlar yaradır.
Daha geniş kontekstdə biz sənayedə enerji tutumunun azaldılmasını və hidrogen və sənaye proseslərinin elektrikləşdirilməsi kimi daha ekoloji təmiz enerji daşıyıcılarına keçidi dəstəkləyirik. Həmçinin sənayedə müxtəlif məqsədlər üçün tullantı istiliyindən istifadənin genişləndirilməsinə çalışırıq.
Please login or subscribe to read the full article.
Login / Subscribe